Fagforbundet gratulerer Jenny med gullet!

Jenny Fossan (21) er landets beste helsefagarbeidar. Ho tok gullmedalje under Yrkes-NM i Trondheim i slutten av oktober i skarp konkurranse med 16 andre deltakarar frå heile Noreg.

05.11.2014 av Seksjon helse og sosial
Sist oppdatert: 05.11.2014

Jenny tok fagbrevet tidlegare i haust og arbeider til dagleg ved Balsfjord Bo- og Servicesenter. Om nokre få veker set ho seg på flyet til Florida, Fort Myers, der ho skal vere i ein månad for å jobbe på ein amerikansk sjukeheim og øve seg på å snakke engelsk på jobb. Neste år skal ho nemleg representere Noreg under Yrkes VM i Brasil i Sao Paolo.

Yvonne Soggemoen er ekspert-dommar i WorldSkills og NM. Ho fortel at Jenny utmerka seg allereie første dag. Ho hadde ein fin dialog med pasientane/brukarane og stod fagleg sterk gjennom alle dei tre konkurransedagane. Som dommar er det kjekt å sjå at den beste utøvaren vann.

Yvonne er også mentor og coach for det vidare treningsopplegget fram mot VM i Brasil. Det blir ein ekstremt tøff konkurranse og vil kreve hard jobbing av Jenny. Men Jenny er ein vinnartype så dette går bra, seier Yvonne entusiastisk!