Yrkeskonkurranser

Yrkes-EM, òg kalla EuroSkills, er europameisterskapet i yrkesfag. Det vert arrangert kvart andre år og skal bidra til å fremje yrkesfag i Europa, utvikle fagkompetanse og styrke samarbeid mellom europeiske utdanningsinstitusjonar og arbeidsgivarar.

Yrkes-VM, òg kalla WorldSkills, er verdsmeisterskapet i yrkesfag. Det vert arrangert kvart andre år (det året det ikkje er EuroSkills) og skal bidra til å fremje yrkesopplæring og fagkompetanse globalt, auke anarkjenninga av yrkesfag og skape internasjonalt samarbeid og erfaringsutveksling.

Yrkes-NM er noregsmeisterskapet i yrkesfag. Ungdom frå heile landet konkurrerer i faget sitt om tittelen noregsmeister. Vinnaren av NM kan bli sendt til yrkes-VM og yrkes-EM.

Dette skriv WorldSkills Norway om formålet:
Å inspirere, motivere og utvikle unge mennesker er kjernen i WorldSkills Norway. WSN utvikler ferdigheter etter internasjonale standarder og bidrar til at norsk fagarbeid har internasjonal klasse. WSN har som mål å  utvikle ferdigheter i den ypperste verdensklasse og oppfylle drømmer og visjoner til de som skal bygge og drifte fremtidens Norge. 

Det er organisasjonen WorldSkills og WorldSkills Norway (WSN) som arrangerer konkurransane. Bak WSN står NHO, LO, YS, Utdanningsdirektoratet, KS og ei rekkje landsforeiningar, fagforbund (inkludert Fagforbundet), opplæringskontor, skolar og fylkeskommunar. Nestleiar i yrkesseksjon helse og sosial Helge Sporsheim er Fagforbundets representant i styret i WSN. 

Yrkeskonkurransar er ein form for casebasert undervisning. Eleven/lærlingen får ein case som dei skal løyse, og så får ein poeng etter dette. KS sitt JobbVinner prosjekt har laga ein god rettleiar for lærarar som du kan bruke som eit utgangspunkt. På KS sine nettsider finn du òg oppgåver frå tidlegare yrkesmeisterskap som du kan bruke.

Ta kontakt med leiaren av yrkesseksjon helse og sosial i Fagforbundet i ditt fylke!  Fagforbundet er med på å arrangere fylkesmesterskap rundt om i Noreg, og å delta på NM er inngangsporten til yrkeskonkurransar.